Baxen per primer vegada les persones que tán a la espera d'una consulta con especialista médicu  

La espera media sigue siendo superior a tres meses  

A finales de payares había 111.117 persones esperando por una primer consulta con especialista. Un añu enantes, yeren 111.154. Son 36 persones menos. Ye un datu relevante porque ye la primer vegada, polo menos nesti añu cuando se punxo en marcha’l plan de choque, nel que les persones qu’esperen nun medraron.

Sicasí, entá se tarda más de tres meses de media pa qu’un especialista nos atienda per primer vegada.

Tamién baxaron los pacientes qu’esperen pa ser operaos. Son 1.670 menos que va un añu.

Amás, el tiempu mediu baxó de la marca de los tres meses, porque ye de 88 díes.

Aparte, sigue la tendencia descendente na espera pa pruebes diagnóstiques. El tiempu mengua en toes nes que se fai un siguimientu. Les resonancies magnétiques baxaron, por exemplu, de 109 díes a 69. Les mamografíes, de 79 a 37.